د پوهنې وزارت معین د پکتیا ولایت پوهنیز وضعیت وارزاوه
د پوهنې وزارت د ښوونې او روزنې معین الحاج مولوي سخاءالله سعید او ورسره مل پلاوی، د پوهنیز وضعیت ارزونې په موخه پکتیا ولایت ته ورسېد.
په هغه غونډه کې چې د پوهنې وزارت د ښوونې او روزنې معین د یاد ولایت له پوهنې رئیس الحاج مولوي عبدالقیوم فاروقي سره درلوده، په ترڅ کې یې د پکتیا ولایت پوهنې رئیس د دغه ریاست کاري راپور پلاوي ته وړاندې کړ، چې د وزارت مشرتابه پلاوي له لوري یې ستاینه وشوه.
د پوهنې وزارت پلاوي د پکتیا پوهنې مسئولینو وړاندیزونه، نظریات او ستونزوې واورېدې او د حل په برخه کې یې ورسره د همکارۍ ژمنه وکړه.
دغه راز د پلان له مخې، ټاکل شوې ده، چې د پوهنې وزارت معین د پوهنیز وضعیت ارزونې لپاره، د یاد ولایت سرحدي ولسوالیو ته هم سفر وکړي.
