په میدان وردګ ولایت کې د یو شمېر ښوونځیو بیارغونې چارې پیل شوې

media-moe
یکشنبه ۱۴۰۳/۳/۶ - ۱۳:۵۳
iii

د میدان وردګ ولایت په جلرېز، سید آباد او بهسودو ولسوالیو کې، نن د یو شمېر ښوونځیو د بیارغونې چارې په رسمي ډول پیل شوې.

په يادو پروژو کې د ښوونځيو بيارغونه، احاطوي دېوالونه، د یو باب دارالاېتام جوړول، د څښاک پاکو اوبو سیسټم غځول او نور اړین ملحقات شامل دي.

د دغو پروژو ټولییز لګښت ٥،٢ ميليونه افغانۍ اټکل شوی، چې د پوهنې مینه والو او همکارو بنسټونو له لوري ورکول کېږي.

د یاد ولایت پوهنې رئیس مولوي محمد عثمان حریت وویل، چې د پوهنې ریاست مشرتابه د نویو ښوونیزو بنسټونو د جوړولو، بیارغونې او د هېواد بچیانو د زده کړو په برخه د آسانتیاوو برابرولو ته ژمنه ده او په دې برخه کې یې د خپلو هڅو پر دوام ټینګار وکړ.

همدارنګه د سیدآباد ولسوالۍ یو تن معارف دوست شخصیت د یادې ولسوالۍ د ښوونځیو لپاره ۳۳ تنه ښوونکي وګمارل او د هغوی د معاشونو د ورکړې مسئولیت یې په خپله غاړه واخیست.

د پوهنې وزارت مشرتابه د پوهنې په برخه کې د خلکو په ځانګړې توګه د سیدآباد ولسوالۍ د پوهنې مینه والو له مرستې او ملاتړ څخه مننه کوي.

تازه خبرونه

یکشنبه ۱۴۰۴/۹/۹ - ۱۵:۷
Background image

د لسمو ټولګو له زده‌کوونکو څخه د ځینو درسي مضمونونو معیاري ازموینه اخیستل کېږي

دا چې د درسي کیفیت لوړول او د ازموینو معیاري کول د پوهنې وزارت د ستراتیژیک پلان له مهمو لومړیتوبونو څخه دي؛ نو په همدې موخه د معیاري ازموینو او ښوونیزو پایلو ارزونې ریاست د خپلې کاري. . .

یکشنبه ۱۴۰۴/۹/۹ - ۱۵:۵
Background image

په جوزجان ولایت کې د شاوخوا ۱۰۰۰۰ تنو زده‌کوونکو لپاره د سیمه‌ییزو او چټکو زده‌کړو ټولګي تاسیس شول

د جوزجان ولایت پوهنې ریاست، د ملاتړ کوونکو ادارو په همکارۍ، په یاد ولایت کې د مدارسو او ښوونځيو تر څنګ د سیمه‌ییزو، چټکو او مخکې له ښوونځي څخه د زده‌کړې ټولګي پراخ کړي دي؛ هغه نوښت چې. . .

یکشنبه ۱۴۰۴/۹/۹ - ۱۵:۳
Background image

په کندهار ولایت کې د څه کم ۸ مېلیونه افغانیو په لګښت د یو ښوونځي ودانۍ پرانستل شوه

د کندهار ولایت میانشین ولسوالۍ د زمتو په سیمه کې د اسحاق‌زي ښوونځي نوې ودانۍ، چې د یوې همکارې ادارې په مرسته د ۷.۹۸ مېلیونه افغانیو په لګښت جوړه شوې، د پوهنې چارواکو، سیمه‌ییزو حکومتي. . .

BACK TO NEWS