د کابل ولایت د ولسوالیو پوهنې آمرينو لپاره ښوونيز سیمینار پیل شو

media-moe
چهارشنبه ۱۴۰۳/۲/۲۶ - ۱۰:۴
10

د کابل ولایت اړوندو ولسوالیو د پوهنې آمرينو د کاري وړتياوو لوړولو په موخه، مسلکي او ښوونيز سيمينار پيل شو.

د ياد سیمینار د پرانیستې په مراسمو کې، د پوهنې وزارت د تشکيلاتو رئيس مفتي عبدالحليم حليمي، د کابل ولایت پوهنې رئیس مولوي عبدالحق حقاني، د ياد رياست روزونکو او يو شمېر نورو مسئولینو هم حضور درلود.

غونډه د قرآن کریم د څو مبارکو آیتونو په تلاوت سره پیل شوه؛ ورپسې د کابل ولایت پوهنې رئیس ګډون والو ته ښه راغلاست ووایه او د سیمینار د آجنډا په اړه یې تفصيلي معلومات وړاندې کړل.

په ورته مهال د پوهنې وزارت د تشکيلاتو رئيس د سیمینار په اهمیت او ګټو خبرې وکړې او له ګډون والو یې وغوښتل، تر څو د ياد سیمینار له محتوا څخه اعظمي ګټه پورته کړي.

دغه سیمینار چې د پوهنې وزارت د تشکيلاتو رياست له لوري پيل شوی، ټاکل شوې ده، چې یوه اوونۍ دوام به وکړي او په ترڅ کې به يې پوهنې مسئولینو ته د دندو لايحې په تړاو روزنه ورکړل شي.

تازه خبرونه

یکشنبه ۱۴۰۴/۹/۹ - ۱۵:۷
Background image

د لسمو ټولګو له زده‌کوونکو څخه د ځینو درسي مضمونونو معیاري ازموینه اخیستل کېږي

دا چې د درسي کیفیت لوړول او د ازموینو معیاري کول د پوهنې وزارت د ستراتیژیک پلان له مهمو لومړیتوبونو څخه دي؛ نو په همدې موخه د معیاري ازموینو او ښوونیزو پایلو ارزونې ریاست د خپلې کاري. . .

یکشنبه ۱۴۰۴/۹/۹ - ۱۵:۵
Background image

په جوزجان ولایت کې د شاوخوا ۱۰۰۰۰ تنو زده‌کوونکو لپاره د سیمه‌ییزو او چټکو زده‌کړو ټولګي تاسیس شول

د جوزجان ولایت پوهنې ریاست، د ملاتړ کوونکو ادارو په همکارۍ، په یاد ولایت کې د مدارسو او ښوونځيو تر څنګ د سیمه‌ییزو، چټکو او مخکې له ښوونځي څخه د زده‌کړې ټولګي پراخ کړي دي؛ هغه نوښت چې. . .

یکشنبه ۱۴۰۴/۹/۹ - ۱۵:۳
Background image

په کندهار ولایت کې د څه کم ۸ مېلیونه افغانیو په لګښت د یو ښوونځي ودانۍ پرانستل شوه

د کندهار ولایت میانشین ولسوالۍ د زمتو په سیمه کې د اسحاق‌زي ښوونځي نوې ودانۍ، چې د یوې همکارې ادارې په مرسته د ۷.۹۸ مېلیونه افغانیو په لګښت جوړه شوې، د پوهنې چارواکو، سیمه‌ییزو حکومتي. . .

BACK TO NEWS