د ولایتونو له پوهنې ډګره لنډ خبرونه

media-moe
سه‌شنبه ۱۴۰۳/۱۲/۲۹ - ۹:۱۷
14

ننګرهار

د ننګرهار ولایت سره رود ولسوالۍ اړوند د پوهنې یو تن مینه وال له خپل شخصي لګښت څخه، د ۸۱ زره افغانیو په ارزښت د « بړينې » منځني ښوونځي کړکۍ او دروازې ترمیم او بیاورغولې.

همدارنګه:

د همدې ولایت په بټي کوټ ولسوالۍ کې د سیمې یو تن اوسېدونکي د فارم غازي لېسې لپاره ۱۰ تختې پلاستیکي فرشونه وپېرل او د زده کوونکو د ګټې اخیستنې په موخه یې یادې لېسې ته تسلیم کړل.

په همدې ترتیب:

د ننګرهار ولایت د بي بي حوا عالي لېسې ښوونکو او مسئولینو د ۲۷ زره۴۴۰ افغانیو په ارزښت ۵ تختې فرشونه وپېرل او د یادې لېسې ادارې ته یې وسپارل.

همدارنګه د ياد ولايت په چپرهار ولسوالۍ کې د مندوخېلو لېسې سره ۵۱۶ مېوه لرونکي او بې ميوې نيالګي مرسته وشوه.

بلخ

د بلخ ولایت پوهنې ریاست اداري غونډه، د یاد ولایت د پوهنې رئیس الحاج شیخ مولوي عبدالجلیل شهیدخیل تر څارنې لاندې، په دغه ولایت کې د مېشتو مرستندویه بنسټونو د مسئولینو په ګډون جوړه شوه.

په یاده کتنه کې د همکارو بنسټونو مسئولینو د خپلو پخوانیو او ورستیو ښوونیزو کړنو په اړه معلومات وړاندې کړل او د بلخ د پوهنې مشرتابه له پرلپسې همکارۍ یې مننه وکړه.

کندوز

د کندوز ولایت د خان آباد او آقتاش ولسوالیو د پوهنې ریاستونو د ښوونکو د مسلکي پراختیا آمریت مدیران او مسلکي غړي، د یاد ولایت د ښوونې او روزنې د آمر له لوري په اړوند بستونو کې وګمارل شول او خپلو همکارانو ته ور وپېژندل شول.

دوی مخکې د یادو ولسوالیو د ښوونیزې څارنې او د ښوونکو د روزنې د کادري غړو په توګه دندې ترسره کولې.

تازه خبرونه

یکشنبه ۱۴۰۴/۹/۹ - ۱۵:۷
Background image

د لسمو ټولګو له زده‌کوونکو څخه د ځینو درسي مضمونونو معیاري ازموینه اخیستل کېږي

دا چې د درسي کیفیت لوړول او د ازموینو معیاري کول د پوهنې وزارت د ستراتیژیک پلان له مهمو لومړیتوبونو څخه دي؛ نو په همدې موخه د معیاري ازموینو او ښوونیزو پایلو ارزونې ریاست د خپلې کاري. . .

یکشنبه ۱۴۰۴/۹/۹ - ۱۵:۵
Background image

په جوزجان ولایت کې د شاوخوا ۱۰۰۰۰ تنو زده‌کوونکو لپاره د سیمه‌ییزو او چټکو زده‌کړو ټولګي تاسیس شول

د جوزجان ولایت پوهنې ریاست، د ملاتړ کوونکو ادارو په همکارۍ، په یاد ولایت کې د مدارسو او ښوونځيو تر څنګ د سیمه‌ییزو، چټکو او مخکې له ښوونځي څخه د زده‌کړې ټولګي پراخ کړي دي؛ هغه نوښت چې. . .

یکشنبه ۱۴۰۴/۹/۹ - ۱۵:۳
Background image

په کندهار ولایت کې د څه کم ۸ مېلیونه افغانیو په لګښت د یو ښوونځي ودانۍ پرانستل شوه

د کندهار ولایت میانشین ولسوالۍ د زمتو په سیمه کې د اسحاق‌زي ښوونځي نوې ودانۍ، چې د یوې همکارې ادارې په مرسته د ۷.۹۸ مېلیونه افغانیو په لګښت جوړه شوې، د پوهنې چارواکو، سیمه‌ییزو حکومتي. . .

BACK TO NEWS