د کابل ولایت په سروبي ولسوالۍ کې د یوه ښوونځي ودانۍ بیا ځلې ورغول شوه
د کابل ولایت په سروبي ولسوالۍ کې د (سپري کندي) لومړني ښوونځي ودانۍ تر بیارغونې وروسته ګټې اخیستنې ته وسپارل شوه.
د کابل ولایت د پوهنې ریاست مسئولین وایي: د یاد ولایت په سروبي ولسوالۍ کې د "سپیري کندي" لومړني ښوونځي ودانۍ په پاخه او اساسي ډول ترمیم او بیاورغول شوه.
د پوهنې د مسئولينو په وینا د دغه ښوونځي ټول لګښت ۹۰۰ زره افغانۍ راغلی دی، چې د پوهنې وزارت له پرمختيايي بودیجې څخه ورکول شوی.
د سيمې اوسېدونکو په خپله سیمه کې د ياد ښوونځي د بيا جوړېدو د هرکلي ترڅنګ ژمنه وکړه، چې خپل ماشومان به د ديني او عصري علومو زده کړو ته وهڅوي.
