په فارياب ولايت کې د نجونو د يو لومړني ښوونځي لپاره نوې ودانۍ پرانيستل شوه

د فارياب ولايت شيرين تګاب ولسوالۍ د ګل تپې د نجونو لومړني ښوونځي نوې ودانۍ، د یاد ولایت پوهنې رئيس، ديني عالمانو،قومي مشرانو، د ملکي او نظامي ادارو استازو په ګډون، د پټۍ په پرېکولو سره پرانيستل شوه.
د یاد ولايت پوهنې رئيس الحاج مولوي سيد حفيظ الله معتصم بالله د یاد ښوونځي د نوې ودانۍ په پرانيستلو خوښي څرګنده کړه .
نوموړي د علم او پوهې پر ارزښت د خبرو په ترڅ کې، له مسئولينو او زده کوونکو وغوښتل، چې د یاد ښوونځي ودانې او وسایلو په ساتنه کې جدي پاملرنه او دوامداره همکاري وکړي. 
د یادولو وړ ده، چې یاد ښوونځی شپږ درسي ټولګي له نورو ضمیمو سره لکه د اوبو څاه، د برېښنا سیستم، استنادي دېوال، ۱۰۸ بابه  میزونه او څوکۍ، اداري وسایل او د سپورت یو لوبغالی لري، چې د ناروې هېواد په مالي مرسته د ډارټ دفتر پواسطه  د 225 زره 206  امریکایی ډالرو په لګښت په پاخه او اساسي ډول جوړ شوی دی.