د پنجشیر ولایت پوهنې ریاست د ۱۳۹۹ کال کاري راپور له رسنیو سره شریک کړ
د پوهنې وزارت، پنجشیر: د پنجشیر ولایت دپوهنې رئیس مولانا عتیق الله کریمی "ملت ته د دولت د حساب ورکولو" ترعنوان لاندې د یوه مطبوعاتي کنفرانس له لارې د یاد ولایت مقام مشر تابه، د دولتي ادارو ریسانو، مدني ټولنو غړو او د رسنیو استازو په شتون کې د ۱۳۹۹ کال کاري راپور وړاندې کړ.
په یاده غونډه کې د پنجشیر د پوهنې رئیس مولانا عتیق الله کریمی خپلې کړنې، لاسته راوړنې او پلانونه څرګند کړل او وي ویل: د نجونو په ۸ ښوونڅیو کې د کمپیوټر خونو پرانیستل، په ولسي جرګه کې د خلکو پیژندل شوي وکیل خان آغا رضا او مشرانو جرګي لومړي نایب الحاج عالم ایزدیار، لخوا د کانکور آزموینې د چمتووالی کورسونو جوړول، په لرې پرتو سیمو کې د ژمنیو کورسونو جوړل، په ښوونځیو کې د درسي کتابونو چمتو کول د هغه فعالیتونو یوه بیلګه وه چې خلکو ته وړاندې شوي.
د کنفرانس په وروستۍ برخه کې، د یاد شوي کلني راپور په تړاو یو شمیر ګډونوالو او ژورنالیستانو پوښتنو ته د پوهنې رئیس لخوا د قناعت وړ ځوابونه ورکړل شوه.
