پوهنې وزارت او د تشبث ښوونیزې او روزنیزې موسسې پرګډو همکاریو خبرې وکړې.
پوهنې وزارت- کابل: پوهنې وزیر ډاکتر محمدمیرویس بلخي او د تشبث ښوونیزې او روزنیزې موسسې رئیس فضل ربيع حقبین ترمینځ په ګډه لیدنه کې، د ګډو همکاریو د دوام په اړه خبرې اترې وکړې.
دا لیدنه چې د پوهنې وزارت په کوربتوب تر سره شوه، ډاکتر بلخي په نوي نصاب د کار له پیل څخه خبر ورکړ او یاده یې کړه چې تشبث او کارمینځ ته راوړل یو له هغو موضوعاتو څخه ده چې په نوي نصاب کې دننه کیږي ترڅو له دې لارې د تشبث لپاره د زده کوونکو د علاقه مندي زمینه برابره او مینځ ته راشي.
د تشبث ښوونیزې او روزنیزې موسسې رئیس فضل ربیع حقبین په دې لیدنه کې، پوهنې وزارت کې د اصلاحي او بنسټیزو پروګرامونو تر سره کیدو په موخه د پوهنې وزیر څخه ستاینه وکړه او د همکاریو پراختیا لپاره یې چمتووالۍ وښود.
د یادونې وړ ده چې د تشبث ښوونیزه او روزنیزه موسسه د ۲۰۱۶ لمریز کال راهیسې د پوهنې وزارت سره د یوه هوکړه لیک لاسلیکولو وروسته په مرکز او ولایتونو کې (۱۰، ۱۱ او ۱۲ ټولګیو) ته د تشبث نصاب پروګرامونو د تدریس او ترویج له لارې هڅه کوي ترڅو مسئولیت لرونکی ښاریتوب، کار مینځ ته راوړنه، دوامداره پرمختګ او د مشرتابه روحیه زده کوونکو ته ور زده کړي.
