خبري اعلامیه

د 1398 کال په لړ کې د هیواد په 27 ولایتونو کې د 800 زره څخه ډیر زده کوونکي په ښوونځيو کې جذب شوي دي.
پوهنې وزارت_کابل: د 1398 کال په لړ کې د هیواد په سړو سیمو کې 842735 نوي زده کوونکي د ابتداییه دورې لمړیو ټولګیو ته جذب شوي دي او د نویو شامل شویو زده کوونکو څخه (43 سلنه) 361001 تنه یې نجونې دي.
په روان لمریز کال کې یواځې په سړو سیمو ولایتونو کې، د 1397 لمریز کال په پرتله په تودو او سړو سیمو کې د نويو شامل شویو زده کوونکو شمیر څخه ټولټال 70000 لوړوالۍ ښيي.
په روان لمریز کال کې د پوهنې وزارت ژمنې سره سم د زده کوونکو په خدمت کې غوره ټولګي جوړ او پیاوړي ښوونکي په دنده ګمارل شوي دي. او په اوسني وخت کې د نویو زده کوونکو د جذبولو لړۍ په 7 تودو سیمو ولایتونو کې چې (کندهار، هلمند، فراه، لغمان، نیمروز، کنر او ننګرهار) دي دوام لري.
پوهنې وزارت په هیواد کې د زده کوونکو شمیر د زیاتوالي په موخه د پوهاوي مختلف پروګرامونه د رسنیو او د ښوونځيو شوراګانو له لوري پیل کړي دي.
د یادونې وړ ده چې په 1398 کال کې په ابتدایي دورو کې د 1 میلیون نویو زده کوونکو جذبول د پوهنې وزارت له موخو څخه وو.