پکتیکا کې د یو ښوونځي نوې ودانۍ پرانېستل شوه

پوهنې وزارت _پکتیکا: د پکتیکا ولایت په مرکز ښرنه کې د یارو والو دنجونو لومړنې ښوونځي ودانۍ د یو لړ مراسمو په ترڅ کې پرانیستل شوه .
په هغه غونډه کې چې په همدې موخه جوړه شوي وه ، د والی مرستیال شیربادشاه ”ارګونی“ ، پوهنې ریاست رییس انجنیرمحراب الدین ”شفق“ ، په ولسي جرګه کې د پکتیکا دخلکو استازي هریو نادرخان ”کټوازی“ ، خالد ”اسد“ ، د سویډن موسسی مسوولینو ، قومي مشرانو، مدنې فعالانو، ښوونکو او زده کوونکو ګډون کړي وو.
د یادي ښوونځي ودانۍ په پاخه او اساسي ډول د ۷،۶ میلیونو افغانیو مجموعي لګښت د سویدن موسسي په مالی مرسته جوړشوي ، چې۶ درسي ټولګي، ۲ اداری خونې، کتابخانه ، ۶ تشنابونه، د پاکو اوبو مکمل سیستم داحاطي دیوار او نورې اړوندې ټولې ښوونیزې آسانتیاوې لري،
دیادولو وړده، چې سویډن موسسي په پکتیکا ولایت کې د ٣٧ کالو راپدې خوا د پوهنې ریاست سره په بیلابیلو برخو کې مرستي کړي، چې لدې جملې یې ددی ولایت پنځو ولسوالیو کې ۲۴۱ محلي ټولګي جوړ کړي ، چي په یادو ښوونڅیو کې ۵۹۲۵ تنه زده کوونکي ، چې د دې جمله نه ۴۰۰۰ نجونۍ زده کوونکي دي تر شپزم ټولګي پوري په زده کړو بوخت دي، چې د تدریس چاري یی د ۲۴۱ تنه ښوونکو لخوا پر مخ بیول کیږي . همدارنګه یی ۲۵ بابو محلي ښوونڅیو ته نوې ودانۍ هم جوړي کړي دي.