پکتیکا ولایت کې څه د پاسه ۲.۵ مېلیونه افغانیو په لګښت د یوې دیني مدرسې جوړولو چارې پیل شوې
د "جامعة الطیبه" دیني مدرسې ودانیزې چارې، چې څه موده وړاندې د پکتیکا ولایت وازیخوا ولسوالۍ په اړوند کې د ۲.۵ مېلیونه افغانیو په لګښت پیل شوې وې، اوسمهال د پوهنې ریاست مسئولینو، علماءکرامو، قومي مشرانو، استادانو او زدهکوونکو په جضور کې پرانیستل شوې.
د یاد ولایت پوهنې رئیس محترم مولوي عبدالوکیل خالد د یادې مدرسې د پرانیستې په مراسمو کې وویل:
"د اسلامي امارت واک ته له رسېدو سره، په هېواد کې د زدهکړې او روزنې بهیر خورا ښه شوی دی؛ د هغو کمیت او کیفیت ته ځانګړې پاملرنه شوې، د فساد، قومي او ژبنيو توپیرونو په بشپړه توګه مخه نیول شوې، اوس د دې وخت دی چې موږ او تاسو خپل ماشومان د دیني او عصري علومو په برخه کې وروزو، تر څو په راتلونکي کې زموږ د دین، هېواد او خلکو لپاره د بشپړ خدمت جوګه شي."
یاده مدرسه چې شاوخوا ۳۰ اداري او تدریسي خونې لري، د یوه علمي او ج.هادي شخص الحاج مولوي عبدالمالک سعید لخوا د شاوخوا ۶ جرېبه ځمکې په ساحه کې، د دوه نیم مېلیونه افغانیو په لګښت جوړه شوې ده.
د پوهنې وزارت مشرتابه د هېوادوالو په ځانګړي ډول د پکتیکا ولایت د اوسېدونکي حاجي صاحب عبدالمالک سعید له مادي او معنوي ملاتړ څخه مننه کوي.
