پکتیکا ولایت کې د ۷ مېلیونه افغانیو په لګښت د درسي کتابونو وېش بهیر پیل شو
د پکتیکا ولایت پوهنې ریاست د یاد ولایت مدارسو او کلیوالي ښوونځیو ته د ۶۴ زره۱۸۲ ټوکه درسي کتابونو وېش پروسه پیل کړه.
دغه کتابونه د یوې همکارې ادارې له خوا پوهنې وزارت سره په همغږۍ چمتو شوي، چې ټول ارزښت یې شاوخوا ۷ مېلیونه افغانۍ اټکل شوی دی.
د پکتیکا ولایت پوهنې رئیس محترم مولوي عبدالوکیل خالد وویل چې یاد کتابونه به د ټاکل شوي سهم له مخې، په مرکز او ۲۴ ولسوالیو کې مدارسو او کلیوالي ښوونځیو ته ووېشل شي.
د پوهنې وزارت مشرتابه د خپلو همکارو ادارو له مادي او معنوي ملاتړ څخه مننه کوي.
