پوهنې وزارت کې دښځو پر وړاندې د تاوتریخوالي سره د مبارزې په موخه سیمینار جوړ شو
پوهنې وزارت، کابل: د پوهنې وزارت د جندر آمریت په نوښت د لوي څارنوالۍ د میرمنو د ځورونې سره د مبارزی ریاست په همکاری په ټولو دولتی ادارو کې (په دفترونو کې د ښځو ځورونې سره د مبارزې) تر سرلیک لاندې سمینار جوړ شو.
په یاد سیمینار کې د لوی څارنوالې استازو اقلیما امیري او عظیمه نعمان په دولتی ادارو کې د زده کړې او کار ځایونو په برخو کې له میرمنو سره د خلکو چلند او همدا راز د ثبت شویو شکایتونو په اړه خبری اتری او نظریات له ګډونوالو سره شریک کړل، همدارنګه یی د پوهنې وزارت د چنډر آمریت د مسؤلینو د کړونو څخه ستاینه وکړه او په پای کې سپارښتنه وکړه چې د یاد سیمینار ټول موضوعات به د پوهنې وزارت له ښځینه کارکوونکو سره شریکوئ .
همدارنګه سیما سرشار د پوهنې وزارت د جنډر آمریت سرپرستې، د پوهنې وزارت په ادارو کې د ښځینه کارکوونکو موجوده ستونزو یادونه وکړه او د حل په موخه یی د لوی څارنوالۍ له مسوولینو څخه د همکاریو غوښتنه وکړه چې د بلمقابل لوري څخه د هر اړخیزو همکاریو ژمنه وشوه.
په دغه سیمینار کې د پوهنې وزارت ۲۰ تنو ښځینه کارکوونکو د یو ورځې لپاره کډون کړي و چې هدف یې په پوهنې وزارت کې د میرمنو مساواتو درک او خوندي کاري چاپیریال برابرول دي.
