په کابل ولایت کې د ۱۰ مېلیونه افغانیو څخه په زیات لګښت د یو باب ښوونځي نوې ودانۍ ورغول شوه
د کابل ولایت موسهي ولسوالۍ د کاریز خشک لومړني ښوونځي نوې تدریسي ودانۍ، چې د پوهنې وزارت سره په ګډه د یو بنسټ په مرسته د ۱۰.۵ مېلیونه افغانیو په ټولیز لګښت جوړه شوې، د یاد ولایت پوهنې رئیس او چارواکو په جضور کې افتتاح او په رسمي ډول ګټې اخیستنې ته وسپارل شوه.
دغه ودانۍ، چې ۶ درسي ټولګي، یوه اداري خونه، احاطوي دېوال، د لمریزې برېښنا سیسټم، د څښاک پاکو اوبو آسانتیاوې او یو شمیر نور اړین ملحقات لري، په پایله کې یې د زدهکوونکو لپاره خوندي تعلیمي چاپېریال رامنځته شو.
د پوهنې وزارت مشرتابه د همکارو ادارو او بنسټونو له مالي مرستې څخه مننه کوي.
