په هرات ولایت کې ۱۰۰ تنو اړمنو زدهکوونکو ته د درسي موادو کڅوړې ووېشل شوې
پوهنې وزارت لخوا د عاطفي خیریه بنسټ په همکارۍ، د هرات ولایت په چشت شریف ولسوالۍ کې ۱۰۰ تنو یتیمو او اړمنو زدهکونکو ته د کتابونو بکسې، قرطاسیه، جامې او بوټان ووېشل شول.
یاده مرسته د هرات ولایت پوهنې ریاست او د پورته ذکر شوي بنسټ ترمنځ د لاسلیک شوي تړون پر بنسټ چمتو شوې.
د پوهنې مسئولینو په وینا، د مرستو دغه کڅوړې د محرومو ماشومانو د ملاتړ او هغوی ته د غوره زدهکړې برابرولو په موخه وېشل شوي دي.
د پوهنې وزارت د هېواد له پوهنیز نظام سره د مرسته کوونکو ادارو له مالي مرستو څخه مننه کوي او د هغوی فعالیتونه ارزښتناک ګڼي.
