په هرات ولایت کې له ۸۰ تنو راستنېدونکو کډوالو څخه د سویې د تثبیت ازموینه واخیستل شوه
د هرات ولایت پوهنې ریاست د روان لمریز کال په شپږم دور ازموینه کې، له ۸۰ تنو کډوالو ماشومانو څخه د سویې د تثبیت په موخه ازموینه واخیسته.
په همدې مناسبت په جوړو شویو مراسمو کې د یاد ولایت پوهنې مسئولینو په خپلو خبرو کې وویل: موږ تل هڅه کوو، ترڅو هر راستنېدونکی زدهکوونکی د وړتیا او پوهې کچې ته په پام سره تر عادلانه او منظمې ارزونې وروسته مناسبو ټولګیو ته وروپېژنو.
د یادونې وړ ده، چې د زدهکوونکو دا شمېر به د هغه ولایت په ښوونځیو کې د اووم څخه تر یوولسم ټولګي پورې د دوی د تعلیمي کچې پر بنسټ شامل شي.
