په هرات ولایت کې د یو باب ښوونځي سره د مېزونو او څوکیو مرسته وشوه
یوې خیریه ادارې د هرات ولایت قوسنان عالي لېسې ته د ۴۲۰ زره افغانیو په لګښت ۲۰۰ پایې مېزونه او څوکۍ ځانګړې کړل.
په همدې مناسبت په جوړو شویو مراسمو کې، د هرات ولایت پوهنې رئیس محترم مولوي رحمت الله جابر د یادې ارزښتناکې مرستې ستاینه وکړه او دا یې د ښوونځي د تعلیمي وضعیت لا ښه والي لپاره یو اغېزمن ګام وباله.
د هرات ولایت پوهنې رئیس د پوهنې په برخه کې د اړتیاوو په اړه هم ټینګار وکړ او زیاته یې کړه چې؛ د پوهنې ریاست په دوامداره توګه هڅه کوي چې د خیریه ادارو، سوداګرو او خلکو د همکارۍ په جلبولو سره د زده کوونکو لپاره د تعلیمي پروسې لا ښه والي لپاره اغېزمن شرایط برابر کړي.
