په هرات ولایت کې د ښوونځیو آمرینو او مدیرانو لپاره مدیریتي ورکشاپ جوړ شو
د مدیریتي او اداري وړتیاوو ښه کولو لپاره، د هرات ولایت مرکز اړوندو ښوونځیو آمرینو او مدیرانو لپاره د "کارکوونکو چلند، مراسلات او پلان جوړونه" تر سرلیک لاندې پنځه ورځنی روزنیز ورکشاپ ترسره شو.
د پوهنې رئیس محترم مولوي رحمت الله جابر د یاد ورکشاپ د پرانیستې په مراسمو کې د اداري اخلاقو، مدیریتي کړنو، د مراجعینو سره د مناسب چلند، مراسلاتو چمتو کولو او مهارتونو په برخو کې د ګډونوالو په هراړخیزه روزنه او لارښوونه ټینګار وکړ.
