په نیمروز ولایت کې له راستنېدونکو کډوالو ماشومانو څخه د سویې د تثبیت ازموینه واخیستل شوه
د نیمروز پوهنې ریاست د پلاوي په حضور کې له ۷۲ تنو کډوالو ماشومانو څخه د سویې د تثبیت په موخه ازموینه واخیستل شوه.
د یاد ولایت پوهنې رئیس محترم الحاج مولوي ګل احمد حقاني د ازموینې له پروسې څخه د لیدنې پر مهال وویل: وروسته له هغه چې د زدهکوونکو تعلیمي کچه معلومه شي، هغوی به د خپلې سویې سره سم د رسمي ښوونځیو په مختلفو ټولګیو کې شامل شي؛ ترڅو خپلو زدهکړو ته دوام ورکړي.
د یادونې وړ ده چې ګډون وال به تر ازموینې وروسته له ۷ تر ۱۱ټولګیو کې شامل شي او هڅه کېږي چې ټولې مرحلې په دقت، روڼتیا او معیاري اصولو سره سمې پلې شي.
