په لوګر ولایت کې د یو باب ښوونځي رغنیزې چارې پیل شوې
د لوګر ولایت برکي برک ولسوالۍ اړوند د عبادالله په کلي کې د شهید محمد انور لومړني ښوونځي جوړولو کارونه، د شاوخوا ۲ مېلیونه ۸۵۰ زره افغانیو په لګښت د پوهنې چارواکو په حضور کې پیل شول.
دغه پروژه چې پکې شپږ درسي ټولګي، دوه اداري خونې، څلور تشنابونه او نور اړین ملحقات شامل دي، د یو خیریه بنسټ لخوا تمویلېږي.
د یادونې وړ ده چې پورته ذکر شوی ښوونځی ۱۴ کاله د مخه پرته له ودانۍ جوړ او اوسمهال یې په بشپړېدو سره د سلګونو زدهکوونکو لپاره مناسب تعلیمي چاپېریال چمتو شو.
