په لوګر ولایت کې د یو باب ښوونځي جوړولو لپاره ځمکه وقف شوه
د لوګر ولايت خروار ولسوالۍ اړوند د قلعه بهادر کلي اوسېدونکو په ياده سیمه کې د حضرت محمد «صلى الله عليه وسلم» د ښوونځي جوړولو لپاره د ۳۰۰ زره افغانيو په ارزښت يو جرېب ځمکه پوهنې ته ځانګړې کړه. د يادونې وړ ده، چې دغه ښوونځى د روان (١٤٠٣) ښوونيز کال له پيل سره سم په داسې حال کې جوړ او په فعاليت يې پيل کړى، چې شاوخوا ٢٠٠ تنه ماشومان په کې پر زده کړو بوخت دي. د پوهنې وزارت رهبري له پوهنیز نظام څخه د ملاتړ په برخه کې په ځانګړې توګه د خروار ولسوالۍ د قلعه بهادر کلي له اوسېدونکو مننه او قدرداني کوي.
