په غور ولایت کې د ښوونکو لپاره روزنیز ورکشاپ پیل شو
د غور ولایت په تعلیمي ادارو کې د نویو تدریسي او علمي مېتودونو کارولو او د ښوونیزې وړتیا لوړولو په موخه، د یوې همکارې ادارې په مالي او تخنیکي مرسته په مرغاب، الله یار، لعل او سرجنګل ولسوالیو کې د ۱۸۰ تنو ښوونکو او د ښوونځیو د تعلیمي شوراګانو غړو لپاره د مسلکي ظرفیتونو لوړولو په موخه روزنیز ورکشاپ ترسره شو.
د غور ولایت پوهنې وزارت چارواکو د دې دورو پر اهمیت ټینګار وکړ او زیاته یې کړه چې یاد پروګرامونه به په غور ولایت کې د پوهنیز کیفیت په ښه کولو کې لوی رول ولوبوي.
د یادونې وړ ده چې د ظرفیت لوړولو روزنیز پروګرام مخکې د غور ولایت د مرکز فیروزکوه په ګډون د څلورو ولسوالیو د ښوونځیو ۱۴۰ تنو ښوونکو لپاره ترسره شوی و، چې په بریالیتوب سره بشپړ شوی دی.
