په غزني ولایت کې ښوونکو لپاره علمي سیمینار جوړ شو
د غزني ولایت پوهنې ریاست، د یوې همکارې ادارې په مالي ملاتړ، د مرکز اړوند رسمي او خصوصي ښوونځيو د ۲۵۰ تنو ښوونکو لپاره «د اسلامي ښوونې او روزنې ارزښتونه او اصول» تر سرلیک لاندې سیمینار پیل کړ.
د دې سیمینار د پرانیستې په مراسمو کې د پوهنې مسئولینو، ښوونکو او یو شمېر دیني علماءکرامو هم حضور درلود.
د چارواکو په وینا، د سیمینار په ترڅ کې به ګډونوالو ته د اسلامي ښوونې او روزنې اصولو، د ښوونکي د شخصیت جوړښت، د زدهکوونکو اخلاقي روزنې او د اسلامي ارزښتونو پلي کولو لارو چارو په اړه مفصله روزنه ورکړل شي.
