په غزني ولایت کې له راستنېدونکو کډوالو څخه د سویې د تثبیت ازموینه واخیستل شوه
د غزني ولایت پوهنې ریاست د ۱۴۰۴ لمریز کال په څلورم دور ازموینه کې، له ۹۰ تنو کډوالو ماشومانو څخه د سویې د تثبیت په موخه ازموینه واخیسته.
په همدې مناسبت په جوړو شویو مراسمو کې د یاد ولایت پوهنې رئیس محترم الحاج مولوي میرنصیراحمد حسیني په خپلو خبرو کې وویل: موږ تل هڅه کوو، ترڅو هر راستنېدونکی زدهکوونکی د وړتیا او پوهې کچې ته په پام سره تر عادلانه او منظمې ارزونې وروسته مناسبو ټولګیو ته وروپېژنو.
نوموړي څرګنده کړه چې د پوهنې وزارت او اړوندې ادارې ژمنې دي، د راستنېدونکو زدهکوونکو لپاره اړینې اسانتیاوې برابرې کړي، ترڅو هغوی وکولی شي پرته له ځنډ یا ستونزې څخه خپلې تعلیمي لارې ته دوام ورکړي.
