په غزني ولایت کې د دیني مدارسو د ط.البانو ترمنځ د "ښه ویناوال" سیالۍتر سره شوې
د غزني ولايت په مقر ولسوالۍ کې د مدارسو د طلابو د پټو استعدادونو د ودې په موخه، د ويناوالۍ سيالۍ پيل شوې.
د يادو سياليو په مراسمو کې د پوهنې رياست پر مسئولينو سربېره د سيمه ييزه ادارو يو شمېر استازو، د ملکي او نظامي ادارو يو شمېر چارواکو، علماء کرامو، ښوونکو او مدرسينو برخه اخيستې وه.
په پیل کې د مقر ولسوالۍ د پوهنې آمر عبدالمنان هارون مېلمنو او ګډون والو ته د ښه راغلاست په ترڅ کې د دیني مدارسو د طلابو ترمنځ د یادو سیالیو د تنظیم په اړه ګډون والو ته معلومات ورکړل.
ورپسې د ملي دفاع وزارت د عرايضو د دفتر رئیس مولوي اسدالله اعزاز، د مقر ولسوال مولوي عبدالقادر بلال او یو شمېر مېلمنو د ویناوو د تخنیکونو او معیارونو په اړه خبرې وکړې او له ځوانانو یې وغوښتل، چې د درسي کتابونو مطالعه او عمومي پوهه بډایه کول، په ځانګړې توګه د ژبو ادبياتو برخه کې د یو ښه ویناوال ځانګړنه کېدای شي.
د پروګرام په پای کې د ګډون والو له جملې څخه دريو تنو لومړی، دويم او درېیم مقامونه تر لاسه کړل، چې د مسئولینو له خوا په جایزو او ډالیو ووياړل شول.
