په جلال اباد کې دNRC مرستندویه ادارې له یو شمېر ښوونځیو سره ددرسي توکو مرسته وکړه

د پوهنې وزارت_ننګرهار: په جلال اباد کې دNRC مرستندویه ادارې له یو شمېر ښوونځیو سره ددرسي توکو مرسته وکړه .په دغه مرسته کې چې د سره رود ولسوالۍ اړوند دچارباغ صفا او سیاسنګ او دبهسودو ولسوالۍ د وزیر محمدګل خان لېسو له (۱۷۴۲)تنو زده کوونکو او ۴۷ تنه ښوونکي به ترې برخمن شي، پکې درسي کتابونه، قرطاسیه، دلوبو سامان، دښوونکو اړوند د درسي موادو کیټونه، سپینې تختې، دفتري میزونه، څوکۍ، فرشونه، داوبو ترموزونه او نور توکي شامل دي.
همدارنګه ذکر شوې مرستندویه ادارې ۶۸تنو ښوونکو ته هم په بېلابېلو برخو کې روزنه ورکړې ده.
دپوهنې ریاست د شوراګانو او ټولنیز خوځښت دبرخې مشر شیربهادر همت ددې مرستې د ورکړې پرمهال د پوهنې ریاست په استازیتوب له یادې مرستندویه ادارې نه مننه وکړه او دهغوې د نورو ورته مرستو د ددوام هیله یې وکړه.شیربهادر همت پر نورو مرستندویه ادارو هم غږوکړ چې له پوهنیز بهیر سره ورته مرستې ترسره کړي.دNRC ادارې استازي هم ژمنه وکړه چې په راتلونکې کې به له نورو ښوونځیو سره هم ورته مرستې ترسره کړي.یادې مرستندویه ادارې تر دې وړاندې هم له پوهنې ریاست سره په بېلابېلو برخوکې کې پام وړ مرستې ترسره کړي دي.