په بامیان ولایت کې د ۶۰۰۰ ډالرو په لګښت د یو باب ښوونځي لپاره اوبو رسولو پروژه پرانیستل شوه
د بامیان ولایت یکاولنګ ولسوالۍ اړوند د لیلور زارین لومړني ښوونځي لپاره اوبو رسولو پروژه، چې پکې د څښاک پاکو اوبو یو حلقه څاه او د اوبو رسولو شبکه له ټولو اړینو وسایلو سره شامله ده، د پوهنې ملاتړ بنسټ له لوري د ۶۰۰۰ امریکايي ډالرو په لګښت بشپړه او د یاد ولایت د والي الحاج مولوي عبدالله سرحدي، پوهنې رئیس قاري عنایت الله سهار او امنیتي مسئولینو په حضور کې پرانیستل شوه.
د پوهنې رئیس په خپلو خبرو کې ډاډ ورکړ، چې په دغه ولایت کې به د پوهنې د ټولو پروژو له پلي کولو څخه په دوامداره توګه څارنه کوي.
د يادونې وړ ده، چې دبامیان ولایت پوهنې ریاست، څه موده وړاندې په کهمرد ولسوالۍ کې د دشت سفید منځنی ښوونځى پرانیست.
