هرات ولایت کې د دوو ښوونځیو ودانۍ ګټې اخیستنې ته وسپارل شوې
پوهنې وزارت، هرات: په دې ولایت کې د یوې غونډې په ترڅ کې چې د یاد ولایت د پوهنې رئیس ذکریا رحیمي،په اولسي جرګې کې د هرات د خلکو استازي قاضي نذیراحمد حنفي، د ځمکو او ښار جوړونې د وزارت معینې میرمن سحر همدرد، د هرات ولایت د ښارجوړونې د ریاست رئیس او ګڼو اولسونو برخه لرله، په ګذره ولسوالۍ کې د وزیر فتیح خان ښوونځي او په مرکز کې د فتیح په نوم د نجونو د ښوونځي ودانۍ ګټې اخیستنې ته وسپارل شوې.
ذکریا رحیمي د یادو ودانیو په جوړیدو خوښي څرګنده کړه او وې ویل: د هرات ولایت د پوهنې ریاست د ښوونځیو لپاره د ودانیو له کمښت سره مخ و، چې له نیکمرغه دا تشه د ځمکو او ښار جوړونې وزارت په ملاتړ سره ډکه شوه، په دې غونډې کې د ځمکو او ښارجوړونې وزارت، ساختماني معینې، په اولسي جرګې کې د خلکو استازو او قومي مشرانو خبرې وکړې او د پوهنې له وزات سره یې د هراړخیزو مرستو ژمنه وکړه.
د یادونې وړ ده چې په ګذره ولسوالۍ کې د فتح خان ښوونځي او د پوهنې ریاست پورې اړوند د فتیح په نوم د نجونو د ښوونځي ودانۍ دوه پوړیزې دي چې هره یوه یې ۲۴ ټولګي لري، چې یادې ودانۍ د ۵۷ میلیونه او ۹۷۷ زره او ۷۸۲، افغانیو په لګښت د یو کال په موده کې جوړې او ګټې اخیستنې ته سپارل شوې دي.
هیره دې نه وي چې د دې ودانیو په جوړیدو سره سلګونو تنو زده کوونو ته د زده کړې مناسب چاپیریال برابر شو.
