ننګرهار کې د څلورو ښوونځيو نوې ودانۍ ګټې اخیستنې ته وسپارل شوې
د پوهنې وزارت، ننګرهار: د ننګرهار ولایت د بټي کوټ ولسوالۍ د برغازي ایاد، کوز غازي اباد، کوز ګندیانی او دچهاردهي منځ کلي لومړنیو ښوونځیو ودانۍ ګټې اخیستنې ته وسپارل شوې.
د یادو ښوونځيو ودانۍ په پاخه او اساسې ډول د ولسې تړون اقرأ پروژې له لوري د ۲۱ میلیونو افغانیو په مجمو عي لګښت جوړې شوي دې چي په مجموع کې ۳۲ درسې خونې او نورې اړېنې ښوونیږي آسانتیاوې لري، چي له جوړېدو او پرانېستو سره یې د یادې سیمې ۱۵۰۰ تنو زده کوونکو ته د زده کړو خوندي درسي چاپېریال برابر شو.
د پوهنې رئیس حسیب الله شینواري د اقرا برنامې له چارواکو او سیمه ییزو شوراګانو څخه مننه وکړه، د ښوونکو او زده کوونکو څخه يې وغوښتل چې د ودانیو په ساتنه کې جدي پاملرنه وکړي او دغه راز یې پر ښوونکو او زده کوونکو سربیره له ولسي مشرانو هم وغوښتل چې دښوونځیو دچاپیریال په زرغونولو کې همکاري وکړي.
