له ولایتونو څخه د پوهنې خبرونو لنډیز

media-moe
چهارشنبه ۱۴۰۲/۹/۲۲ - ۱۴:۵۷
۹۸

کندهار:

په کندهار ولایت کې د پوهنې یوې همکارې ادارې، د یاد ولایت پوهنې ریاست سره په همغږۍ د پنجوايي ولسوالۍ د ملا حسن آخند منځني ښوونځي لپاره د لاسونو مینځلو پروګرام له لارې یوه ژوره څاه، څلور تشنابونه، د لاسونو مینځلو ځایونه او نور اړین ملحقات آماده کړل او د یو لړ مراسمو په ترڅ کې یې ګټې اخیستنې ته وسپارل.

همدارنګه:

د کندهار ولايت پوهنې رئيس الحاج مولوي فخرالدين نقشبندي د یاد ولايت تخته پل ولسوالۍ ته د يو کاري سفر په ترڅ کې، د کډوالو له کمپ څخه ليدنه وکړه او له راستنېدونکو کورنيو سره يې د خبرو پر مهال، د هغوی د اولادونو ته د زده کړو آسانتیاوو برابرولو ډاډ ورکړ.

راستنېدونکو کورنيو د زده کړو په برخه کې د کندهار ولايت د پوهنې له رياست څخه مننه وکړه.

غزني

د غزني ولایت پوهنې رئیس الحاج مولوي میر نصیر احمد حسیني، د اداري چارو له مسئولینو او کارکوونکو سره د لیدنې پرمهال د یاد ریاست د نوي تشکیل په اړه معلومات ورکړل او له هغوی یې وغوښتل، تر څو په ورځنيو چارو کې د پوهنې وزارت کړنې، اداري اصول او قانوني لارې په پام کې ونیسي.

په یاده ناسته کې ګډون والو هم خپلې ستونزې او وړاندیزونه د پوهنې رئیس ته وړاندې کړل او د حل غوښتنه یې وکړه.

تخار

د تخار ولایت پوهنې ریاست د یاد ولایت ینګي قلعه ولسوالۍ له زده کوونکو څخه د امارت پېژندنې ډله ییزه آزموینه واخیسته.

په یاده آزموينه کې د ښوونځيو له اووم تر دولسمو ټولګيو ١٢٠٠ زده کوونکو برخه اخيستې وه او ممتازو زده کوونکو ته کمپيوټرونه، موبايلونه او د مطالعې کتابونه ډالۍ شول.

ننګرهار

د قران کريم د حسن قراءت سيالۍ چې د ننګرهار ولايت د پوهنې رياست له لوري په لاره اچول شوې وې، پایلې یې د يو لړ مراسمو په ترڅ کې د یاد ولايت د پوهنې مشرتابه په حضور کې اعلان شوې.

د ننګرهار پوهنې رئيس مفتي حبيب حضرت حقاني، د برياليو زده کوونکو د مبارکۍ ترڅنګ، پر هغوی بېلابېلې ډالۍ هم ووېشلې.

تازه خبرونه

یکشنبه ۱۴۰۴/۹/۹ - ۱۵:۷
Background image

د لسمو ټولګو له زده‌کوونکو څخه د ځینو درسي مضمونونو معیاري ازموینه اخیستل کېږي

دا چې د درسي کیفیت لوړول او د ازموینو معیاري کول د پوهنې وزارت د ستراتیژیک پلان له مهمو لومړیتوبونو څخه دي؛ نو په همدې موخه د معیاري ازموینو او ښوونیزو پایلو ارزونې ریاست د خپلې کاري. . .

یکشنبه ۱۴۰۴/۹/۹ - ۱۵:۵
Background image

په جوزجان ولایت کې د شاوخوا ۱۰۰۰۰ تنو زده‌کوونکو لپاره د سیمه‌ییزو او چټکو زده‌کړو ټولګي تاسیس شول

د جوزجان ولایت پوهنې ریاست، د ملاتړ کوونکو ادارو په همکارۍ، په یاد ولایت کې د مدارسو او ښوونځيو تر څنګ د سیمه‌ییزو، چټکو او مخکې له ښوونځي څخه د زده‌کړې ټولګي پراخ کړي دي؛ هغه نوښت چې. . .

یکشنبه ۱۴۰۴/۹/۹ - ۱۵:۳
Background image

په کندهار ولایت کې د څه کم ۸ مېلیونه افغانیو په لګښت د یو ښوونځي ودانۍ پرانستل شوه

د کندهار ولایت میانشین ولسوالۍ د زمتو په سیمه کې د اسحاق‌زي ښوونځي نوې ودانۍ، چې د یوې همکارې ادارې په مرسته د ۷.۹۸ مېلیونه افغانیو په لګښت جوړه شوې، د پوهنې چارواکو، سیمه‌ییزو حکومتي. . .

BACK TO NEWS