له ولایتونو د پوهنې څو لنډ خبرونه
فاریاب
په هغو مراسمو کې چې د پوهنې وزارت مسئولینو، یو شمېر سیمهییزو چارواکو، علماءکرامو او ښوونکو پکې ګډون درلود، د فاریاب ولایت د مقام مرستیال محترم الحاج مولوي نصرت الله فیضاني لخوا محترم مولوي عبدالله رحماني د یاد ولایت د پوهنې نوي رئیس په توګه معرفي او په دنده یې پیل وکړ.
هرات
د هرات ولایت پوهنې رئیس محترم مولوي رحمت الله جابر، په یاد ولایت کې د ښوونکو مسلکي پراختیا لپاره د ۲۵ خالي بستونو لپاره د ازاد رقابت ازموینې له پروسې څخه لیدنه وکړه.
د یادونې وړ ده چې ټولټال۶۰ تنو نوماندانو دغو بستونو لپاره نوملیکنه کړې وه.
بامیان
بامیان زون کې د ښوونکو مسلکي پراختیا غړو لپاره د "اغېزمن تدریس او زدهکړې ترویج" تر سرلیک لاندې ۹ ورځنی سیمینار، د یاد ولایت پوهنې رئیس محترم قاري عنایت الله سهار لخوا پرانیستل شو.
