غزني ولایت کې د ۱.۷ مېلیونه افغانیو په لګښت د یوباب ښوونځي ودانۍ بیاورغول شوه
د غزني ولایت مالستان ولسوالۍ اړوند د شهید بلخي لېسې بیارغونې پروژه، چې څه موده وړاندې د خلکو په مرسته د ۱.۷ مېلیونه افغانیو لګښت سره پیل شوې وه، اوس بشپړه او د یادې ولسوالۍ د پوهنې چارواکو په ګډون د یو لړ مراسمو په ترڅ کې پرانیستل شوه.
یاده پروژه چې د څښاک پاکو اوبو لپاره د ژورې څاه کیندل، د ودانۍ ترمیم، د زدهکوونکو د مېزونو- څوکیو پېرل، د زرغون چاپېریال رامنځته کول او د نورو تعلیمي اړتیاوو پوره کول پکې شامل دي؛ په ترڅ کې یې ماشومانو ته خوندي تعلیمي چاپېریال چمتو شو.
د پوهنې وزارت مشرتابه د پوهنیز سیسټم لپاره د خلکو له مادي او معنوي ملاتړ څخه خوښي څرګنده کړه او د ښوونځیو له چارواکو، ښوونکو او زدهکوونکو یې وغوښتل چې د پوهنې وزارت لخوا له برابرو شویو آسانتیاوو څخه سالمه ګټه پورته کړي.
