د کندز ولایت ښوونکو لپاره د ظرفیت لوړونې جوړ شوی سیمینار پای ته ورسید
پوهنې وزارت، کندز: د کندز ولایت په مرکز پورې اړوند او امام صاحب ولسوالۍ ښوونځیو کې د سایسني مضمونونو ښوونکو لپاره د میتودولوژي جوړ شوی درې ورځنی ښوونیز سیمینار پای ته ورسید.
یاد سیمینار څه موده وړاندې د پوهنې ریاست لخوا د (NRC ) موسسې په مالي مرسته جوړ شوی و، چې د یاد ولایت مرکز پورې اړوند او د امام صاحب ولسوالۍ ښوونځیو څخه ۸۱ تنو ښوونکو په کې ګډون درلود، چې د میتودولوژۍ په اړه یې روزنه ترلاسه کړه.
د کندز ولایت د پوهنې رئیس نجیب الله ثاقب د یاد سیمینار د جوړولو په برخه کې د (NRC) ادارې له مالي مرسته مننه وکړه او د سیمینار پر علمي ارزښت یې هر اړخیز بحث وکړ، همداراز د یاد سیمینار له ګډونوالو یې غوښتنه وکړه څو زده شوي موارد په ښه ډول له زده کوونکو سره شریک کړي.
همداراز نوموړي زیاته کړه: ده دا ډول ښوونیزو سیمینارونو جوړول ډیر ګټور کار دی، چې د ښوونکو او کارکوونکو د وړتیا لوړونې لامل کیږي.
یاد سیمینار د تصدیق پاڼو په ویشلو سره پای ته ورسید.
