د کرنې اوبو لګولو او مالدارۍ وزارت د اراضۍ لوی رياست لخوا، پوهنې وزارت ته ځمکه ولېږدول شوه
په هغه ناسته کې چې د کرنې، اوبولګولو او مالدارۍ وزارت د اراضۍ ادارې د ځمکو استملاک او بيا مېشتېدنې په لوی رياست کې جوړه شوې وه، د استملاک او بيا مېشتېدنې لوی رئیس محترم مولوي عبدالعلي عمري، د اراضۍ ادارې د ځمکو د انتقال او وېش رئیس محترم حافظ عبدالکبير زاهد او د پوهنې وزارت د ودانیو د ساتنې او مراقبت لوی رئیس محترم مولوي سميع الحق حماس ګډون درلود.
ياده ځمکه د کرنې اوبو لګولو او مالدارۍ وزارت د ځمکو د انتقال او وېش رياست په وړانديز او د افغانستان اسلامي ا.مارت د عاليقدر مشرتابه مقام د حکم پر اساس د اراضۍ لوی رياست لخوا ياد وزارت ته د کندهار ولايت تخته پل ولسوالۍ کې په دوه جريبه ځمکه باندې د ديني مدرسې جوړولو په موخه ولېږدول شوه.
