د کرنې، اوبو لګولو او مالدارۍ وزارت لخوا د کونړ ولایت پوهنې ته ۲.۶ جریبه ځمکه وقف شوه
د کرنې، اوبو لګولو او مالدارۍ وزارت د ځمکو اصلاحاتو ریاست په مقام کې، د پوهنې وزارت د ودانیو او ملکیتونو د ساتنې او مراقبت رئیس محترم مولوي سمیع الحق حماس او د ځمکې د لېږد او وېش د رئیس حافظ عبدالکبیر زاهد په ګډون یوه غونډه وشوه.
د پوهنې وزارت کې د تعلیمي زیربناوو د ملاتړ او پراختیا په اړه د افغانستان اسلامي ا.مارت د مشرتابه عالیقدر مقام له حکم سره سم، د کرنې، اوبو لګولو او مالدارۍ وزارت په رسمي ډول د کونړ ولایت په کوز کونړ ولسوالۍ کې د یو باب ښوونځي جوړولو په موخه، ۲.۶ جریبه ځمکه د یادې ولسوالۍ پوهنې آمریت ته وسپارله او اسناد یې د دواړو وزارتونو د رئیسانو لخوا لاسلیک شول.
