د کابل ښار اړوندو ښوونیزو حوزو آمریتونو لپاره یو ورځنۍ معلوماتي برنامه ترسره شوه
د کابل ښار شپاړسګونو ښوونیزو حوزو د آمریتونو مسوولینو لپاره د جغرافیایي معلوماتو له سیسټم (GIS) سره د بلدتیا، د دغه سیسټم د کارونې او په ښوونیزو چارو کې د معلوماتو لا ښه تنظیم او مدیریت په موخه، د پوهنې وزارت د کیفیت تضمین معین په حضور کې یو ورځنۍ معلوماتي برنامه جوړه شوه.
د برنامې په پیل کې د کابل ښار پوهنې رئیس مولوي حسیبالله صاحبزاده ګډونوالو ته ښه راغلاست ووایه او په دغه پروګرام کې یې د هغوی له ګډون څخه مننه او قدرداني وکړه.
ورپسې، د پوهنې وزارت د کیفیت تضمین معین الحاج مولوي عبدالخالق صادق د جغرافیایي معلوماتو د سیسټم (GIS) د اهمیت او ارزښت په اړه خبرې وکړې او ګډونوالو ته یې په دې برخه کې اړین معلومات وړاندې کړل.
نوموړي ټینګار وکړ، چې د معلوماتو راټولول، ثبتول او په منظم ډول یې مدیریت په ښه توګه د ښوونیزو چارو په تنظیم او د دغو چارو د اغېزمنتیا په لوړولو کې مهم رول لري.
