د کابل ولایت په استالف ولسوالۍ کې د والیبال خزاني ټورنمنټ پای ته ورسېد
د والیبال خزاني ټورنمنټ سیالۍ چې تېره اوونۍ د کابل ولایت په استالف ولسوالۍ کې د ښوونځيو د ۶ لوبډلو تر منځ پیل شوې وې، د پوهنې وزارت د اساسي او ثانوي زدهکړو ریاست د بدني روزنې مسئولینو په حضور کې پای ته ورسېدې.
په یادو مراسمو کې د استالف ولسوالۍ پوهنې مسئولین، استادان، زدهکوونکي او ګڼشمېر د سپورټمینهوال حاضر وو.
د پورته ذکر شوي ټورنمنټ په پایلوبه کې د استالف ولسوالۍ د مرکز منځني ښوونځي لوبډله د همدغې ولسوالۍ له پوهنې آمریت لوبډلې سره مخامخ شوه، چې په پایله کې د مرکز منځني ښوونځي لوبډلې وکولای شول، په درې ـ صفر نومرې ترلاسه کولو سره مقابلې لوبډلې ته ماته ورکړې او خپله بریا تر لاسه کړي.
د مراسمو په پای کې د مسئولینو له لوري د ګټونکي لوبډلې لوبغاړي په سپورټي ډالیو وویاړل شول.
