د کابل ولایت پغمان ولسوالۍ د ښوونځیو خزاني فوټبال سیالۍ پای ته ورسېدې

د خزاني فوټبال سیالۍ، چې تېره اوونۍ د کابل ولایت پغمان ولسوالۍ د ۱۰ بابه لېسو د سپورټي لوبډلو ترمنځ پیل شوې وې، د پوهنې وزارت د بدني روزنې د چارواکو په ګډون سره پای ته ورسېدې.
په یادو مراسمو کې د پغمان ولسوالۍ پوهنې چارواکو، ښوونکو او د ښوونځیو زده کونکو او یو شمیر سپورټي مینه والو ګډون درلود.
د ټورنمنټ په وروستۍ لوبه کې، د پیشکسوت، پغمان او شرق لېسو لوبډلې له یو بل سره مخامخ شوې، د دواړو لوریو د نه ستړې کېدونکې هڅو په پایله کې، د پغمان عالي لېسې لوبډلې وکولای شول، چې مخالفې لوبډلې ته یو د صفر په وړاندې ماتې ورکړي او دغه سیالي وګټي.
د سیالۍ ګټونکي د چارواکو لخوا د سپورتي ډالیو په ورکولو سره وهڅول شول.