د څرخ ولسوالۍ خلکو د یو باب ښوونځي لپاره ځمکه وپېرله
د لوګر ولایت د پوهنې ریاست مسئولینو په وینا، د یاد ولایت څرخ ولسوالۍ اوسېدونکو د ۲۵۰ زره افغانیو په ارزښت، په قلعه دشت نوآباد سیمه کې د "ترین" لومړني ښوونځي لپاره یو جرېب ځمکه وپېرله او پوهنې ریاست ته یې وقف کړه.
د يادې ځمکې په بيه کې حاجي احمدزي ۱۰۰ زره افغانۍ او پاتې ١٥٠زره يې د يادې ولسوالۍ د نورو اوسېدونکو له لوري ورکړل شوې دي.
د پوهنې وزارت مشرتابه د هېواد پوهنې ته د خلکو له پاملرنې او ملاتړ څخه مننه کوي.
