د پوهنې وزارت پلاوي د روسیې فدراسیون د پوهنې وزارت له مرستيال سره وکتل
دغه ليدنه چې د کازان په ښار کې تر سره شوه، د روسیې د پوهنې وزارت مرستيال(Andrey Korneev) پکې د افغانستان له تعليمي بهير سره د همکاري په برخه کې خپل بشپړ چمتو والی وښود او څرګنده يې کړه چې روسیه غواړي د افغانستان د تعليمي نظام د يو غوره مرستندوی جهت په توګه عملي ګامونه پورته کړي.
همدارنګه د اسلامي امارت د پوهنې وزارت پلاوي نن ورځ د کازان ښار د تاريخ او فرهنګ له موزيم، د قل شريف او کبانايا تاريخي مسجدونو او د کازان له کرملين ماڼۍ څخه هم ليدنه وکړه.
همدارنګه ماښام مهال يې د روسیې د پوهنې د وزير په ځانګړې ميلمستيا کې برخه واخيسته.
