د پوهنې وزارت پر درۍ کلن پراختیایي پلان باندې د یوې غونډې په ترڅ کې بحث وشو
هغه غونډه چې د پوهنې وزرات د اسلامي زده کړو معین الحاج مولوي کرامت الله اخندزاده او رئیسانو سربېره د پوهنې وزارت د پلان جوړونې رئیس او کارپوهانو په ګډون جوړه شوې وه، پکې د پوهنې وزارت د درۍ کلن پراختیایي پلان د شرایطو او محتوا په اړه بحث او نظرونه تبادله شول.
یاده غونډه د قرآن کریم د څو مبارکو آیاتونو په تلاوت سره پیل شوه او ورپسې د پلان رئیس د یاد پلان د جوړښت په اړه ګډون والو ته معلومات ورکړل.
دغه راز د پوهنې وزارت د اسلامي زده کړو معین هم د یادې موضوع په باب خبرې وکړې او څرګنده يې کړه، چې دپوهنې وزارت په ګډون د ټولو څانګو لپاره د پلان ترتيب او چمتو کول يوه ضروري او مشخصه موضوع ده، چې په ټاکلي وخت کې باید د هغه پلي کول وڅارل شي.
ورپسې د غونډې ګډون والو د یاد پلان په اړه له هر اړخیزو بحثونو وروسته خپل نظریات او وړاندیزونه شریک کړل او لازم تصمیمونه ونیول شول.
