د پوهنې وزارت د کیفیت تضمین محترم معین د هرات ولایت له پوهنې مسوولینو سره وکتل
د پوهنې وزارت د کیفیت تضمین معین محترم الحاج مولوي عبدالخالق صادق، د خپل کاري سفر په ترڅ کې د هرات ولایت د پوهنې ریاست له آمرینو، مدیرانو او کارکوونکو سره وکتل.
د کیفیت تضمین محترم معین په دغه لیدنه کې د یاد ریاست د مسوولینو له هڅو ستاینه وکړه او له هغوی یې وغوښتل چې د ښوونیز او روزنیز کیفیت لوړولو، د مراجعینو د چارو ښه ترسره کولو، د اړوندو مقاماتو د اوامرو د اطاعت او د بېلابېلو برخو ترمنځ د لا زیاتې همغږۍ د پیاوړتیا په برخه کې لا زیاتې هڅې وکړي.
په پای کې د هرات پوهنې رئیس محترم مولوي محمد رحماني د خپل ریاست د فعالیتونو او برنامو په اړه لازم معلومات وړاندې کړل او د ښوونیزو پلانونو او پروګرامونو پلي کېدو په برخه کې یې د پوهنې وزارت له دوامداره ملاتړ څخه مننه وکړه.
