د پوهنې وزارت د کیفیت تضمین محترم معین د ننګرهار ولایت د یو شمېر ښوونځیو تعلیمي وضعیت وارزاوه
د پوهنې وزارت د کیفیت تضمین معین محترم الحاج مولوي عبدالخالق صادق، چې د ننګرهار ولایت د تعلیمي وضعیت په لیدو او بیاکتنه بوخت دی، د یاد ولایت پوهنې مسئولینو په ملتیا خوږیاڼیو ولسوالۍ ته ولاړ او د یادې ولسوالۍ له یو شمېر تعلیمي مرکزونو څخه یې د لیدنې پرمهال، د حکیم آباد لومړني ښوونځي څخه ټولګي په ټولګي لیدنه وکړه.
نوموړي د دغه ښوونځي له چارواکو، ښوونکو او زدهکوونکو سره په ځانګړې غونډه کې، د هغوی تعلیمي ستونزې او اړتیاوې واورېدې او د حل په برخه کې یې ورسره د همکارۍ ژمنه وکړه.
دغه راز د کیفیت تضمین معین د ښوونکو له خوا د سالمې زدهکړې او کیفیت لرونکي تدریس ټینګار وکړ او له زدهکوونکو یې وغوښتل چې خپل درسونه د ازموینو لپاره نه، بلکې د خپلې علمي کچې پیاوړتیا لپاره ولولئ؛ ترڅو ان شاء الله؛ هغوی وکولی شي په راتلونکي کې د خپلو خلکو او وطن لپاره د صادقانه خدمت مصدر شي.
ورپسې د پورته ذکر شوي ښوونځي مسئولینو او ښوونکو د پوهنې وزارت د معین له سفر څخه د هرکلي ترڅنګ ژمنه وکړه چې د هېواد بچیانو د لاښه تدریس او سالمې روزنې لپاره به هر ډول هڅې وکړي.
