د پوهنې وزارت د دعوت او ارشاد ریاست له کړنو "اوونیز راپور"
تېره اوونۍ د پوهنې وزارت د دعوت او ارشاد رئیس محترم الحاج مولوي جمعه خان "سروری " د امر بالمعروف او نهی عن المنکر وزارت د دعوت او ارشاد چارو د سمون لوی ریاست د هدایت پر بنسټ، د ملي پراختیا شرکت کارکوونکو ته یو ورځنى اصلاحي او ارشادي بیان وړاندې کړ.
دغه راز د دعوت او ارشاد محترم رئیس د ملي پراختیا شرکت منسوبینو ته د دعوت او ارشاد پر ارزښت، اهمیت او اساسي رول هر اړخیزې خبرې وکړې.
په ورته مهال د پوهنې وزارت د امر بالمعروف او نهی عن المنکر تنفیذ کمېټه کې په یو لړ موضوعاتو هر اړخیز بحثونه وشول.
همدارنګه د دعوت ارشاد محترم رٸیس د کابل ښار پوهنې ریاست د ښوونې او روزنې مرستيال په ملتیا د ښوونيزو کورسونو له مسٸولینو سره کتنې په ترڅ کې په یو شمېر اړينو مواردو هراړخيزې خبرې وکړې.
د یادونې وړ ده، چې د پوهنې وزارت د دعوت او ارشاد ریاست پلاوي د خپلو ولایتي سفرونو په دوام خوست، پکتیا او لوګر ولایتونو ته امام مبلغين معرفي، د کارکوونکو صورت او سیرت څخه يې څارنه ترسره او د دعوت او ارشاد نصاب تدریس څخه يې کتنه وکړه.
