د پوهنې وزارت د دعوت او ارشاد ریاست له کړنو «اوونیز راپور»
تېره اوونۍ د پوهنې وزارت د دعوت او ارشاد د رئیس محترم الحاج مولوي جمعه خان "سروري" په لارښوونه، د دعوت او ارشاد مسئولینو د کابل ښار پنځلسمې ناحیې اړوند د ۷ بابه خصوصي تعلیمي مرکزونو له مدیرانو او آمرینو سره وکتل.
په یادو لیدنو کې د پوهنې وزارت د دعوت اوارشاد ریاست مسئولینو له ټاکل شوي نصاب څخه څارنه وکړه او هغوی ته يې د دعوت اوارشاد د نصاب تدریس په هکله لازمي سپارښتنې وکړې.
همداراز د یاد وزارت د مرکزي هستې ټولو کارکوونکو ته د دعوت او ارشاد درسونه په نورمال ډول روان وو.
په ورته مهال د کابل ښار او د ولایتونو له پوهنې ریاستونو څخه لاس ته راغلي راپورونه ښیي چې؛
په تېره اوونۍ کې له ټاکل شوي مهالوېش سره سم د تعلیمي مرکزونو اړوندو کارکوونکو ته د دعوت اوارشاد درسونو لړۍ روانه وه؛ لکه د پخوا په څېر په مرکزي هسته کې د یو شمېر ریاستونو د کارکوونکو حال له نږدې وارزول شو او هغوی ته لازمې توصیې وشوې.
