د پوهنې وزارت د دعوت او ارشاد رئیس د سمنګان ولایت له پوهنې مسئولینو سره وکتل

media-moe
شنبه ۱۴۰۳/۸/۲۶ - ۱۳:۲۰
hhhd

د پوهنې وزارت د دعوت او ارشاد رئیس مولوي جمعه خان سروري سمنګان ولایت ته د خپل رسمي سفر په ترڅ کې، د یاد ولایت له پوهنې رئیس مولوي محراب الدین اقبال، د کلیدي څانګو آمرینو، د مرکز او ولسوالیو د پوهنې له مسئولینو سره وکتل.

په پیل کې د یاد ولایت پوهنې رئیس د پوهنې وزارت د دعوت او ارشاد رئيس ته ښه راغلاست ووایه او د دعوت او ارشاد ریاست د پلانونو د پلي کولو لنډ راپور یې پلاوي ته وړاندې کړ.

ورپسې د پوهنې وزارت د دعوت او ارشاد رئیس دغه ولايت ته د خپل سفر موخه له علماءکرامو او د پوهنې له مسئولينو سره کتنه او د دعوت او ارشاد د نصاب له پلي کېدو څخه څارنه وبلله.

همدارنګه نوموړي په اسلامي او اخلاقي اصولو باندې د ټينګار ترڅنګ، له مسئولينو او کارکوونکو څخه وغوښتل، چې خپل سلوک او ويناء د اسلام د ګران پيغمبر حضرت محمد (صلی الله علیه وسلم) له سيرت او سنتو سره برابره کړي، تر څو د زده کونکو په شمول د نورو لپاره یو ښه مثال وي.

له بلې خوا د سمنګان ولایت پوهنې مسئولینو د دعوت او ارشاد ریاست د ټولو کړنلارو د پلي کېدو ډاډ ورکړ.

تازه خبرونه

یکشنبه ۱۴۰۴/۹/۹ - ۱۰:۴۱
Background image

پروان ولایت کې د یو باب ښوونځي لپاره د ۱۰۰ پایو څوکیو مرسته وشوه

په کابل کې میشتو خیرخواهانو، د پروان ولایت جبل السراج ولسوالۍ اړوند لکار منځني ښوونځي ته د ۷۰ زره افغانیو په لګښت ۱۰۰ پایې څوکۍ وپېرلې او رسماً یې د یاد ښوونځي ادارې ته تسلیم کړې.
د یاد. . .

شنبه ۱۴۰۴/۹/۸ - ۱۰:۵۸
Background image

فاریاب ولایت کې د ۱۴ مېلیونه افغانیو څخه په زیات لګښت د ښوونځي ودانۍ ورغول شوه

د فاریاب ولایت په خواجه موسی ولسوالۍ کې د "یکه‌تپه" لومړني ښوونځي نوې ودانۍ د یوې غونډې په ترڅ کې پرانیستل شوه، چې د همدغې ولسوالۍ پوهنې چارواکو پکې هم ګډون درلود.
په یاده ودانۍ کې ۸. . .

پنجشنبه ۱۴۰۴/۹/۶ - ۱۱:۳۲
Background image

د سرپل ولایت پوهنې ریاست کې د مدرسینو مسلکي پراختیا ۱۳ بستونو لپاره ازموینه واخیستل شوه

د سرپل ولایت پوهنې مسئولینو په حضور کې د ښوونکو مسلکي پراختیا ۱۳ بستونو لپاره ازموینه د یو لړ مراسمو په ترڅ کې ترسره شوه.
په دې پروسه کې د ۹۵ ګډون‌والو څخه ۵۶ یې د شرایطو وړ وپېژندل شول. . .

BACK TO NEWS