د پوهنې وزارت د بهرنیو اړیکو رئیس غزني ولایت ته رسمي سفر وکړ
د پوهنې وزارت د بهرنیو اړیکو رئیس استاد وحیدالله هاشمي چې د پوهنیز وضعیت ارزونې په موخه غزني ولایت ته رسېدلی، نن د یاد ولایت له پوهنې رئیس الحاج مولوي میرنصیر احمد حسیني او مسئولینو سره وکتل.
په پیل کې د غزني پوهنې رئیس د دغه ریاست د کارونو او کړنو په اړه پلاوي ته معلومات وړاندې کړل، چې د بهرنیو اړیکو رئیس له خوا ښه وارزول شول.
په پام کې ده، چې ياد پلاوی به د خپل سفر په ترڅ کې د دغه ولايت له يو شمېر سيمه ييزو ښوونيزو ټولګيو او پوهنیزو بنسټونو څخه هم ليدنه وکړي.
