د پوهنې مسئولینو د پغمان ولسوالۍ د ښوونځیو یو تن نوښتګر زده کوونکی وستایه
د کابل ولایت د پغمان ولسوالۍ پوهنې آمر انجنیر حکمت الله زاهد په خپل دفتر کې د دې ولسوالۍ له یو تن تکړه او نوښتګر زده کوونکي سره وکتل.
دغه زده کوونکی توانېدلی چې له عادي سامانونو څخه بېلابېل برېښنایي وسایل لکه: برېښنایي جارو، ریموټ کنټرول، پکه، د اوبو پمپ او داسې نور جوړ کړي، چې اوسمهال د پغمان ولسوالۍ د پوهنې آمریت له خوا د یو ستاینلیک په ورکولو سره وویاړل شو.
ياد زده کوونکي د پوهنې له آمر سره د ليدنې پر مهال وویل، که ورته مالي او تخنيکي آسانتياوې برابرې شي، نو نور پرمختللي وسايل به هم چمتو کړي.
دغه نوښتګر زده کوونکي، د يادې ولسوالۍ د پوهنې مسئولينو د هڅونې له امله مننه وکړه.
