د پوهنې محترم وزیر لخوا په بامیان ولایت کې د یو باب ښوونخي بنسټ ډبره کېښودل شوه
د افغانستان اسلامي ا/مارت د پوهنې محترم وزیر محترم الحاج مولوي حبیبالله آغا، بامیان ولایت ته د خپل رسمي سفر په ترڅ کې، د یاد ولایت په پنجآب ولسوالۍ کې د یو باب منځني ښوونځي بنسټ ډبره کېښوده.
د پوهنې محترم وزیر د دغو مراسمو په ترڅ کې د خلکو له تود هرکلي څخه مننه وکړه او ویې ویل: د یادې ولسوالۍ د خلکو هرې غوښتنې ته چې د پوهنې په برخه کې وي، تر خپلې وسې او امکاناتو پورې به ورته رسېدهګي وشي.
نوموړي د دغه ښوونځي د ارزښت په اړه وویل چې دا به د سیمې د ماشومانو ښوونې او روزنې په وده کې مهم رول ولوبوي او زیاته یې کړه: په ټول هېواد کې ۳۹ بابه تخصصي لېسې جوړېږي، چې هر زدهکوونکی به وکولای شي، د خپلې خوښې په رشته کې زدهکړه وکړي.
د بامیان ولایت پوهنې رئیس محترم قاري عنایتالله سهار، د محترم وزیر صاحب او ورسره مل پلاوي هرکلی وکړ او ویې ویل: یاد ښوونځی د ۱۲۱ زره او ۸۰۰ ډالرو په ارزښت، په یوه پوړ کې د پخې او اساسي ودانۍ په ډول جوړېږي، چې شپږ درسي ټولګي، دوه اداري خونې او د اوبو رسولو سیسټم به ولري او په بشپړېدو سره به د سیمې سلګونو ماشومانو ته مناسب تعلیمي چاپېریال برابر شي.
