د پوهنې محترم وزیر، د دیني مدارسو ازموینې بهیر څخه کتنې په موخه کاپیسا ولایت ته لاړ
د پوهنې وزیر محترم الحاج مولوي حبیب الله آغا او ورسره مل پلاوی په رسمي سفر کاپیسا ولایت ته لاړ او هلته یې د یاد ولایت له پوهنې رئیس محترم الحاج مولوي محمدفرید حقاني سره د کتنې سربېره، د دیني مدارسو د ثانويه او مافوق ثانويه ازموینو پروسې څخه لیدنه او کتنه وکړه.
ورپسې نوموړي د یاد ولایت د پوهنې چارواکو له هڅو او صادقانه خدماتو ستاینه وکړه، د ازموینې ځای ته لاړ او د ازموینې پروسې ارزولو ترڅنګ یې، د یادو ازموینو د روڼتیا، نظم او معیاري کولو په اهمیت ټینګار وکړ او له طلابو العلم یې وغوښتل چې د زدهکړې په لاره کې ډېرې هڅې وکړي.
د یادونې وړ ده چې، د پوهنې محترم وزیر او ورسره مل پلاوی د ازموینې ځای ته رسېدو پر مهال د چارواکو او استادانو لخوا تود هرکلي سره مخامخ شو.
